"ოპერა შენს ქალაქში" - გურჯაანში

პროექტი „ოპერა შენს ქალაქში“ გრძელდება! 

ამჯერად კონცერტი გურჯაანში შედგა. გურჯაანის სამუსიკო სკოლის დარბაზში მაყურებლის წინაშე ცხრა მომღერალი და ორი კონცერტმაისტერი წარდგა. თბილისის ოპერისა და ბალეტის თეატრის წამყვანმა სოლისტებმა და კონცერტმაისტერებმა შეასრულეს ნაწყვეტები ქართული და დასავლეთ ევროპული საოპერო ნიმუშებიდან, ასევე ცნობილი ნეაპოლიტანური რომანსები. ღონისძიებაში მონაწილეობდნენ ახალგაზრდა შემსრულებლებიც. 

პროექტის ბოლო, მეოთხე, კონცერტს ჭიათურა უმასპინძლებს. 

პროექტი მიზნად ისახავს რეგიონებში საოპერო შემოქმედების პოპუარიზებას და ქართველი კომპოზიტორების  შემოქმედების გაცნობას.